კონკურსის მიზანს წარმოადგენდა პროფესიული სტუდენტების სასწავლო პროცესში უწყვეტი და ეფექტური ჩართულობის ხელშეწყობა, რაც მათ სოციალურ მხარდაჭერასა და წახალისებას ისახავდა მიზნად.

 კონკურსის ფარგლებში გამოვლინდა 20 გამარჯვებული სტუდენტი, რომლებსაც ფულადი ჯილდოები გადაეცათ.

 სიამაყით გვინდა გაცნობოთ, რომ გამარჯვებულთა ოცეულში კოლეჯი ,,ჰორიზონტის“ ორი სტუდენტიც შევიდა — ერთი ოზურგეთის, მეორე კი ჩოხატაურის ლოკაციიდან. კოლეჯი "ჰორიზონტი" ულოცავს ჩვენს სტუდენტებს ამ წარმატებას და მომავალშიც მხარს დაუჭერს მათ პროფესიულ განვითარებას!

 კონკურსის მხარდამჭერები იყვნენ:

 გაეროს განვითარების პროგრამა (UNDP)

 შვეიცარიის განვითარებისა და თანამშრომლობის სააგენტო (SDC)

რეგიონული პროფესიული განათლების დიალოგი დილიჟანში: რეგიონული თანამშრომლობის გაძლიერება პროფესიულ განათლებაში 

გასულ კვირას, დილიჟანმა უმასპინძლა პროფესიული განათლების სპეციალისტებს, დაწესებულებების ლიდერებსა და პოლიტიკის ექსპერტებს სომხეთიდან, საქართველოდან და მოლდოვიდან. სამიტის მიზანი იყო თანამშრომლობის გაღრმავება აღმოსავლეთ პარტნიორობის რეგიონში პროფესიული განათლების მიმართულებით.

 ღონისძიება გახდა სივრცე ცოდნის გაზიარებისთვის, საერთო ანალიზისა და სტრატეგიული დაგეგმვისთვის, რათა პროფესიული განათლების სისტემები გაძლიერდეს თანამშრომლობისა და ინოვაციების გზით.

 ღონისძიების ძირითადი მომენტები:

 პროფესიული განათლების წარმატებული ეროვნული პოლიტიკის, საჯარო-კერძო პარტნიორობისა და ინსტიტუციური განვითარების პრეზენტაციები

 შთამაგონებელი დისკუსიები დუალური განათლების მოდელებზე, უნარების პროგნოზირებაზე და ახალგაზრდების მობილობაზე

 პრაქტიკული სამუშაო სემინარები საერთო გამოწვევების იდენტიფიცირებისა და საერთო გადაწყვეტილებების შემუშავებისთვის

ინტერაქტიული ჯგუფური სესიები მდგრადი, საერთაშორისო თანამშრომლობის მექანიზმების შექმნაზე

 ერთ-ერთი მთავარი შედეგი სამიტისა არის ერთობლივი ხედვისა და სამოქმედო გზის ჩამოყალიბება, რომელიც წარმოდგენილი იქნება 2025 წლის ივნისში ბრიუსელში გამართულ რეგიონთაშორის დაინტერესებულ მხარეთა სამიტზე.

 ღონისძიება დასრულდა მტკიცე ვალდებულებით: გაღრმავდეს თანამშრომლობა, წახალისდეს ინოვაცია და პროფესიული განათლების სისტემები უკეთ მოერგოს სტუდენტებისა და შრომის ბაზრის საჭიროებებს მთელ აღმოსავლეთ პარტნიორობაში.

სამიტი ორგანიზებული იყო მჭიდრო თანამშრომლობით სომხეთის განათლების, მეცნიერების, კულტურისა და სპორტის სამინისტროსთან.

 MÖBIUS ფინანსდება ევროკავშირის მიერ. ინიციატივის მიზანია პროფესიული განათლების სფეროში რეგიონთაშორისი თანამშრომლობის გაძლიერება ცენტრალურ ევროპაში, აღმოსავლეთ პარტნიორობის ქვეყნებსა და დასავლეთ ბალკანეთში. საერთაშორისო პარტნიორობის ხელშეწყობით, სამიტებისა და სასწავლო ვიზიტების ორგანიზებით, ჩვენ ვქმნით მტკიცე, მომავლის პროფესიული განათლების ეკოსისტემას.

ჩვენი კოლექცია „მე მახსოვს…“ ეძღვნება გურული ქალების უნიკალურ ისტორიას — მათ ძლიერ, მრავალფეროვან და გავლენიან როლს ოჯახურ, საზოგადოებრივ და პოლიტიკურ ცხოვრებაში.

კოლექციის კონცეფცია:

 გურული ქალების ტრადიციული ჩაცმულობის ელემენტების გაცოცხლება;

 ინოვაციური დიზაინისა და თანამედროვე მოდის სინთეზი;

 ისტორიისა და თანამედროვეობის სინთეზი;

თითოეული მოდელი სიმბოლურად ასახავს გურული ქალის ცხოვრებისეულ ეპიზოდს — სამოსით, რომელიც აერთიანებს ტრადიციას და ინოვაციას.

ეს პროექტი:

 აცოცხლებს წარსულს

 აფასებს ქალთა როლს

 აღვივებს ახალგაზრდებში კულტურულ ცნობიერებას და შემოქმედებით უნარებს .

გვჯერა, რომ „მე მახსოვს“ გახდება შთაგონების წყარო ყველასთვის, ვინც აფასებს სიძლიერეს, მრავალფეროვნებას და ქართული იდენტობის მნიშვნელობას!

.

იხ.ვიდეო